Partneri i Kourtney Kardashian, Travis Barker është shtruar me urgjencë në spital.

Fotot e bateristit Bl ink-182 duke u dërguar për në spital po bëjnë xhiron e rrjetit. Barker nxitoi në Qendrën Mjekësore Cedars-Sinai në Los Angeles, Kaliforni i shoqëruar nga bashkëshortja e tij.

Imazhet konfirmuan se Barker ishte personi që mbërriti në qendrën mjekësore me tatuazhin e dorës.

Vajza e bateristit Alabama i kërkoi ndjekësve në Instagram të luten për babain e saj:

“Ju lutem dërgoni lutjet tuaja”.

Gjithashtu të martën në mëngjes, Barker shkroi në Twitter, “Zot më ruaj”. Sipas një rrëfimi, bateristi i Blink-182 vuan nga nevralgjia trigeminale.

Çfarë është nevralgjia trigeminale?

Sipas Shërbimit Shëndetësor Kombëtar të Mbretërisë së Bashkuar, nevralgjia trigeminale është një dhimbje e papritur dhe e fortë e fytyrës. Shpesh përshkruhet si dhimbje e mprehtë ose si goditje në nofull, dhëmbë ose mishrat e dhëmbëve.

“Zakonisht ndodh në sulme të shkurtra, të paparashikueshme që mund të zgjasin nga disa sekonda deri në rreth 2 minuta. Sulmet ndalojnë aq befas sa fillojnë.”

“Në shumicën e rasteve, nevralgjia trigeminale prek vetëm njërën anë të fytyrës, me dhimbje që zakonisht ndihet në pjesën e poshtme të fytyrës. Herë pas here dhimbja mund të prekë të dy anët e fytyrës, edhe pse jo zakonisht në të njëjtën kohë.”

Barker i rrëfeu Joe Rogan se kishte nevralgji trigeminale gjatë një interviste.

“Kam Neurolgjinë Trigeminale. A keni dëgjuar për të? Është më e keqja. Quhet sëmundja e vetëvrasjes.”