Eliza Dushku është një nga aktoret shqiptare që po korr shumë sukses në filmat e ‘Hollywood’. Ajo ka aktruar që 9 vjeç dhe i është kushtuar prej vitesh karrierës së saj, megjithatë duket se tani fokusi do të ndryshojë. Pak kohë më parë, Eliza zbuloi për ‘UsWeekly’ se ajo dhe partneri i saj, Peter Palandjian do të bëhen prindër për herë të parë.

Peter dhe Eliza janë martuar në gusht të vitit 2018, në Boston. Që prej asaj kohe, aktorja ka qenë shumë aktive në ‘Instagram’ dhe fotot me bashkëshortin e saj nuk kanë munguar. Duket se në lidhje me bebin e saj, Eliza ka vendosur të tregohet pak më e rezervuar, pasi vetëm ditën e djeshme ajo ka publikuar për herë të parë foto me barkun e rrumbullakosur. “Kemi dashuri për të gjithë”, ka shkruar Eliza. Kjo foto ka qenë një surprizë për fansat që nuk ishin në dijeni të ndryshimeve në jetën e saj, megjithatë nuk kanë hezituar të shprehin dashurinë e tyre ndaj aktores./revistawho.com