Pas ardhjes në jetë të Diellit, Ami dhe Ermali surprizojnë Arbanën dhe Edin me këtë dhuratë speciale

Pak ditë më parë, Arbana dhe Eduarti u bënë prindër me një djalë të cilën vendosën ta quajnë Diell. Pas këtij momenti special në jetën e tyre, dyshja tregoi se shtëpia e tyre ishte mbushur nga lulet dhe urimet e shumta të miqve të tyre më të përzemërt.

Së fundmi Osmani ka ndarë një tjetër surprizë, të cilën e ka gjetur pasditen e sotme në shtëpi.

“Erdha në shtëpi dhe pashë një surprizë të bukur”, ka shkruar moderatorja krah postimit në ‘Instastory’ ku duken lulet dhe shënimi dhuratë nga Amarda Toska dhe Ermal Mamaqi.

“Dielli që solli veç diell këto ditë. Arbana dhe Eduart t’ju rrojë ëngjëlli juaj dhe paçi vetëm ditë të bukura në jetën tuaj. Jo pa qëllim lulet t’i dërgova me vonesë sepse e dija që nuk do kishit vend në shtëpi nga buqetat e shumta. Miqësisht Ami dhe Ermali”, shkruhej me mbi pllakën me shenjën e diellit dhuratë për Arbanën dhe Eduartin.

Me siguri dyshja janë emocionuar pa masë nga kjo surprizë kaq e bukur nga miqtë e tyre. Kujtojmë se Arbana, Amarda dhe Ermali kanë nisur rrugëtimin televiziv në të njëjtin ekran, atë të ‘Top Channel’, ndaj dhe sot gëzojnë një marrëdhënie kaq të ngrohtë./revistawho.com