Paris Hilton ka shtyrë dasmën e saj me Chris Zylka. Muajin e kaluar u përhapen lajmet se çifti ishte duke planifikuar martesën, por duket se gjithçka është anuluar. “Paris donte të martohej në datën 11 nëntor. Kjo ishte data e saj e preferuar, por ka shumë gjëra për të bërë. Midis punës dhe orareve të saj të udhëtimit nuk ka kohë të mjaftueshme për të organizuar dasmën”, tha një burim për “E! News”, sipas TCH. “Ajo është e vendosur që të martohet, kështu që kjo do të ndodhë patjetër, por jo aq shpejt sa ishte shpresuar. Tani ka planifikuar të martohet në pranverë”, shton i njëjti burim.