Selena Gomez rikthehet sërish në Instagram, pasi njoftoi se do të largohej për një periudhë të pacaktuar (teknikisht, nuk tha një kohë të saktë, por sërish, s’e prisnim kaq shpejt).

Ajo publikoi një video me Gordon Ramsay, në të cilën ai i mësonte aktores dhe këngëtares 31-vjeçare se si të bënte një burger për mëngjes. Në videon e plotë, Ramsay dhe Gomez janë në kuzhinën e kësaj të fundit, duke biseduar dhe gatuar.

Ndërsa dje, Sel njoftoi se do të hiqte dorë nga rrjetet sociale, përmes një video në të cilën shfaqej i dashuri i saj, Benny Blanco duke luajtur me disa fëmijë. Ylli i “Only Murders in the Building” u shpreh se do të përqendrohej te gjërat që kanë rëndësi.

Vendimi i saj erdhi pas dramës së krijuar mes saj, Kylie Jenner dhe Timothée Chalamet në Met Gala. Njerëzit menduan se skenari është ky: Selena i kërkoi Timothée që të bënte një foto dhe dëshira e saj u refuzua nga Kylie.

tirananews.al