Një tërmet i fuqishëm goditi Meksikën këtë të martë, ndërsa epiqendra ishte shteti jugor i Oaxaca-s. Lëkundjet e radhës vijnë gati tre vite pasi një tërmet në shtetin qendror të Puebla-s i mori jetën më shumë 300 personave.

Instituti Gjeologjik i SHBA-ve njoftoi që magnituta e tërmetit ishte 7.7, ndërsa instituti sizmologjik i Meksikës njoftoi se magnituta e tërmetit ishte 7.5, sipas Presidentit të Meksikës Andrés Manuel López Obrador.

#BREAKING: A magnitude 7.4 earthquake strikes Mexico. Look at this video of a building in the area where the earthquake happened.#FOX26 #LIVEDESK

pic.twitter.com/Ei7sMzrZSA

— Michael Ikahihifo (@Mike_Ikahihifo) June 23, 2020

Të paktën një person humbi jetën në qytetin Oaxaca të Santa María Huatulco për shkak të shembjes së një ndërtese. Një tjetër person u plagos edhe në situatë të ngjashme. Po ashtu, si pasojë e një zjarri në një rafineri nafte, një person mbeti i plagosur.

Administrata Kombëtare e Oqeaneve dhe Atmosferës lëshoi një alarm për cunami për Meksikën, Guatemala-n, El Salvadorin dhe Hondurasin.

Ndërsa Qendra amerikane paralajmëruese e Cunamit në Paqësorit tha që dallgë deri në 3 metra mund të godasin kudo brenda 600 miljeve nga epiqendra e tërmetit.

Kurse Instituti Oqeanogjeografik i Marinës së Ekuadorit lëshoi një alarm për cunami për banorët që jetojnë përgjatë bregdetit të Amerikës së Jugut. Po ashtu, autoritetet meksikane konfirmuan një pasgoditje në orën 11:32 me magnitutë 5.2 të shkallës Rihter në Oaxaca.

In #Mexico dangerous #earthquake: Massive 7.3 magnitude #tsunami warning issued #earthquake pic.twitter.com/thC7k220eW

— Kumar kundan ostwal (@OstwalKumarp) June 23, 2020

Në pamjet e publikuara në mediat sociale mund të shihen ndërtesat që lëvizin sa në një krah në tjetrin, uji që lëviz në pishina, por edhe uji që u tërhoq nga shtrati në disa zona bregdetare. /abcnews.al/