![](https://story.al/wp-content/uploads/2024/07/nu-1-1.jpg)
Nutricionistja e vendit të njerëzve më jetëgjatë, tregon se çfarë ha çdo ditë
E rritur në Japoni, Michiko Tomioka ishte e rrethuar nga bukuria natyrore, vendet historike, traditat e vjetra dhe ushqimi autentik dhe i shijshëm.
“Kur u transferova në SHBA si e rritur, e kisha të vështirë të përballesha me kulturën e ushqimit të shpejtë dhe të përpunuar. Isha një nënë që punoja dhe isha vazhdimisht e sëmurë ose në humor të keq për shkak të ushqimit që konsumoja”, tha ajo për CNBC, raporton Telegrafi.
Për ta ndryshuar këtë, Tomioka u bë nutricioniste dhe e fokusoi punën e saj në ndarjen e zakoneve japoneze të të ngrënit.
Në shtëpinë e saj, ajo gjithmonë ruan dhe ha tetë ushqime që i konsideron përgjegjëse për një jetë më të shëndetshme dhe më të lumtur. Këtu janë disa prej tyre.
Matcha
“Tezja ime 99-vjeçare e fillon çdo ditë me matcha-n, po ashtu edhe unë. Çaji jeshil ka shumë përfitime shëndetësore. Përmban vitaminë C, vitaminë B, fibra dhe proteina, si dhe polifenole anti-inflamatore dhe luftarake ndaj sëmundjeve. Këto komponime natyrale janë të pasura me antioksidantë, lëndë ushqyese që mbrojnë nga dëmtimi i qelizave”, pohon Tomioka.
Ushqim i fermentuar
Disa nga ushqimet më të njohura në Japoni janë miso (pastë e fermentuar e sojës, e përdorur shpesh në supë), natto (sojë e fermentuar) dhe nukazuke (perime të fermentuara turshi me krunde orizi).
Ushqimet e fermentuara janë plot me probiotikë që ndihmojnë në tretje dhe përthithje dhe mund të zvogëlojnë rrezikun e sëmundjeve.
Algat e detit
Në Japoni, algat e detit, të njohura si ‘kaiso’, janë pjesë e shumë vakteve dhe ushqimeve. Ky ushqim aromatik dhe i qëndrueshëm ka shumë përfitime shëndetësore. Është i ulët në kalori dhe i lartë në fibra. Ushqimi gjithashtu përmban një sërë mineralesh dhe vitaminash thelbësore, duke përfshirë jodin, hekurin, kaliumin, magnezin, vitaminën B12 dhe acidet yndyrore omega-3.
“Në çdo moment, në kuzhinën time ka ndoshta pesë deri në dhjetë lloje alga deti. Të gjitha kanë shije dhe qëllime të ndryshme kulinarie”, thekson dietologia.
Tofu
Tofu siguron dozën e nevojshme të proteinave pa konsumimin e mishit dhe produkteve të qumështit.
Susam
Farat e susamit janë të pasura me vitamina B dhe E, proteina, fibra dhe minerale si magnezi, kalciumi dhe fitosterolet që mund të ndihmojnë në kontrollin e kolesterolit.
Xhenxhefil
Jo vetëm në Japoni, por në të gjithë botën, xhenxhefili njihet si një ushqim medicinal. Ndihmon në forcimin e imunitetit dhe metabolizmit. Tomioka thotë se i ndihmon me problemet me stomakun dhe i lehtëson ftohjet.
Xhenxhefili gjithashtu përmirëson shijen e ushqimit dhe mbron ushqimin nga prishja.
tpz.al