Moderatorja Bora Zemani dhe Dj Vin Veli vendosën t’i jepnin fund lidhjes dhe të ishin vetëm dy prindër të mirë për djalin e tyre. Kjo për faktin se kur bëhet fjalë për Arborin, Bora dhe Vini janë gjithmonë bashkë. Edhe Bora u bë pjesë e trendy-t më të fundit në “Instagram”, ku në vendin e gazetarëve janë fansat e moderators ata që pyesin. Kurioziteti i shumë prej tyre, ishte për jetën e Borës pas ndarjes, ndërsa kishte të tjerë që e ftonin për t’u njohur më shumë. E pyetur nëse ndarja nga Vin Veli ishte e vështirë, Bora iu përgjigj: “Nuk besoj se ka ndarje të thjeshtë” duke lënë të kuptohet se nuk ka qenë e lehtë ndarja për moderatoren, shkruan IconStyle. Së fundmi, Bora Zemani është shkëputur nga ekrani i “Digitalb”, duke vendosur të shfaqet me një projekt të ri në një tjetër televizion, të cilin ende s’e ka zbuluar.