“Nuk i jepnin numrin tim nga xhelozia, këngëtarja shqiptare rrëfen ç’i bënë kolegët pas shpine
Ajo konsiderohet si një nga zërat më të mira në vendin tonë dhe është shumë e kërkuar jo vetëm në Shqipëri, por edhe në vende të tjera të botës. Me këngët e saj ka arritur të bëhet shumë e dashur për publikun dhe është pranishme në çdo gëzim familjar të shqiptarëve. Bëhet fjalë për këngëtaren Fatmira Breçani e cila ditën e sotme ishte e ftuar në emisionin ‘Ditë e re’ ku ka rrëfyer diçka më shumë për jetën e saj private, por edhe për xhelozitë dhe intrigat që ekzistojnë mes kolegëve.Fatmira ka rrëfyer një rast personal dhe ka treguar se pavarësisht xhelozisë së tyre ndihet shumë e kënaqur që përballet me kundërshtarë pasi e sheh veten më lartë, sipas Xing.al. “Me telefoni një person nga Gostivari dhe më tha se e kishte gjetur numrin me vështirësi. Kishte pyetur disa këngëtarë, m’i tha edhe emrat, dhe më erdhi shumë keq sepse unë i kam dhënë numrat e kolegëve kur ma kanë kërkuar, por asnjë njeri nuk ia kishte dhënë numrin tim. S’ka asgjë tjetër përveç xhelozisë por unë jam shumë e kënaqur kur e shoh se kam kundërshtarë sepse e shoh veten më lart. Ma rrisin mendjen ata që më kanë inat.”, ka treguar këngëtarja e muzikës popullore.
Me te lexuarat
Me te lexuarat
Te fundit
