Tik-Tak, tik-tak… 19 dhjetori po afron dhe Anna Gjebrea po bëhet gati Junior Eurovision.

Këngëtarja e “Stand by you” ndodhet në Romë duke përgatitur performancën e saj në këtë event europian.

Aurora Scarsi, Emiliano Fiasco, Manuel Figliolino dhe Rachele Mancinotti janë balerinët që do të shoqërojnë Anna Gjebrean në Eurovision. Ata janë bashkëmoshatarë të saj, që kanë emocionuar publikun italian me performancat e tyre dhe jo vetëm.

Aurora, Manuel dhe Emiliano kanë qenë imazhe të kompanisë celulare italiane Tim, ku janë shfaqur krah këngëtares së famshme Mina, duke e shoqëruar me lëvizjet e tyre.
Kjo reklamë është realizuar nga regjisori Lucca Tomasini i cili është edhe është ideatori i performancës së Annës në Junior Eurovision.

Sa i takon talentit Emiliano Fiasco, në 14 Nëntor përloti me performancën e tij Jerry Scotti dhe ngriti në këmbë jurinë e programit “Tu Si Que Vales”. Maria De Filippi ju bashkua tejet e emocionuar në skenë…

 

View this post on Instagram

 

A post shared by Emiliano Fiasco (@emyf1908)

Aurora dhe Manuel kanë kërcyer edhe në “Balando con le Stelle” prezantuar nga Milly Carluci, madje Manuel ka provuar dhe ndjesinë e skenës së “Amici”, programit më të famshëm italian të kërcimit.

Ndërkaq Rachele i bashkohet treshes së famshme për herë të parë, duke e plotësuar koreografinë surprizë të Angelo Recchia, një tjetër emër i njohur italian që vjen nga shkolla profesioniste “Amici” e Maria de Filippit.

Gjithçka po shkon për mrekulli për Annën dhe ne po presim performancën në skenë, ku çdo element i performancës së saj duket i kuruar në çdo detaj.