Në shkurt të vitit të kaluar, këngëtarja e famshme me origjinë shqiqtpare Rita Ora, i la të gjithë pa fjalë teksa kërceu vallen e Rugovës. Rita ishte e ftuar në koncertin e madh që u mbajt për 10-vjetorin e pavarësisë së Kosovës.

Por ajo që tërhoqi më shumë vëmendjen, ishte një fotografi e saj me reperin e njohur, Ledri Vula. Fotoja e realizuar në prapaskenat e koncertit ngjalli dyshime se mes të dyve mund të kishte në mos një shkëndijë, domosdo një kimi shumë të mirë.

Në atë kohë, emisioni “Jo Vetëm Modë” zbuloi se kishte qenë Rita ajo që kishte kërkuar  Ledrin në koncert, si i vetmi artist i denjë sipas saj.

Edhe së fundmi, Ora dhe Vula janë bërë sërish bashkë në një koncert. Të dy kanë qenë të pranishëm në “Alba Festival” në Zyrih të Zvicrës.

Ka qenë Ledri ai që ka publikuar një fotografi me këngëtaren e famshme ku e shoqëron me një emoji zemër.

Fotografia ka marrë mijëra pëlqime dhe komente, ku vihet re edhe ai i Ritës dhe mamasë së saj. Këngëtarja ka lënë ter zemra emoji, ndërsa Vera Ora shkruan: “Ani zemër?! Awww”.

Ndërkohë nga ana tjetër fansat kërkojnë një bashkëpunim mes tyre, dhe të shohim nëse ata të dy mund të bëjnë një këngë së bashku.