Në këto ditë të vështira për Shqipërinë, ekrani i ‘Top Channel’ qëndroi për orë të tëra në një transmetim maratonë duke sjellë pranë teleshikuesve lajmin e fundit.

Pas një jave mjaft impenjative, trashgimtarja e ‘Top Channel’, Lori Hoxha ka zgjedhur që me anë të një postimi në ‘Instagram’ të shfaqë atë çfarë i është dashur të bëjë stafit të punës për të sjellë tek të gjithë atë çfarë kanë dashur të shohin.

https://www.instagram.com/p/B5iipFLlkHL/?utm_source=ig_embed

“Një foto sa për mijëra fjalë. Në këto ditë të vështira për të prekurit nga tërmeti që humbën njerëzit e tyre më të dashur, shtëpitë dhe atyre që nga ankthi jetuan nëpër rrugë, ‘Top Channel’ duhet të raportonte si gjithmonë çdo moment të asaj që po ndodhte, të ndihmonte me informacion, edhe pse kjo kërkon sakrificë dhe mund të madh. Në kohën kur mësimi në shkolla u anullua, por fëmijët e stafit, si shumë fëmijë të tjerë ishin në panik nga lëkundjet, zgjidhja më e mirë ishte që ata të rrinin bashkë me prindërit, edhe nëse atyre u duhej të punonin për një qëllim më të madh. Mbase kjo nuk është idealja, por në të tilla katastrofa kupton se vetëm duke u bërë bashkë jeta vazhdon! Mirënjohëse të gjithë stafit vetëmohues të ‘Top Channel’ dhe të gjithë atyre që sakrifikuan sado pak nga “normaliteti” i tyre për ti bërë më pak të vështira këto ditë”, ka shkruar Hoxha krah postimit më të fundit në rrjetet sociale, ku duket se një prej operatorëve të televizionit është duke punuar me djalin në krahë duke fjetur.

Kjo foto ka shkaktuar mjaft reagime në internet dhe shumica prej tyre kanë përgëzuar punën e palodhshme të stafit të ‘Top Channel’./revistawho.com