Tre çiftet që hapën garën e “Lufta e Nuseve 5” janë Besarta & Eni, Xhulia & Brenaldo dhe Juna & Denisi. Ata janë mjaft të këndshëm, pozitivë, gjithë energji por edhe ambiciozë, kush më shumë e kush më pak. Tre çifte simpatikë vendosën për herë të parë në historinë e “Lufta e Nuseve” të komentojnë dhe vlerësojnë në çift dasmat e njëri-tjetrit.

Besarta dhe Eni, ishin çifti i parë që hapi garën në “Lufta e Nuseve 5”. Një çift i qetë, i qeshur, pozitiv që jeton në botën e vet të ëndrrave. Bënë një dasëm të shkëlqyer.

Çifti i dytë ishte Xhulia dhe Brenaldo. Ata vijnë nga Durrësi dhe kurorëzuan një histori dashurie 13-vjeçare. Histori që zuri fill ditën kur bukuroshja Xhulia, e sapoardhur nga Peleponezi i largët në vendlindje, u fut në kafene dhe sytë i pikasën mes të tjerëve arkitektin Brenaldo.

Dasma e tretë ishte e çifti simpatik Juna dhe Denisi. Keni parasysh kur iu bie në kokë për shokun e vëllait? Si t’ia bëni? Nuk duket aq kollaj, por, kur të shikoni Junën do e kuptoni që nuk është aq e vështirë… Dasma e tyre ishte një dasmë e kuruar dhe shumë elegante.

Pasi dëgjuan vlerësimet e njëri-tjetrit për secilën nga dasmat, çifti që triumfoi ishte Juna dhe Denisi. Çifti fitues u rendit në vendin e parë me një total prej 101 pikësh./tvklan.al