A ngacmohen murgeshat seksualisht nga priftërinjtë? Le ta pranojmë që është një pyetje shumë delikate dhe që hap shumë debat, por pyetja në fjalë nuk mund të merrte një përgjigje më të pastër dhe të besueshme se nga ajo e deklaruar nga Papa Françesku. Ka qenë një gazetar ai, i cili e ka pyetur për këtë çështje Papën, teksa po ktheheshin me avion nga një udhëtim në Emiratet e Bashkuara Arabe. Dhe përgjigja është PO! Ndoshta është tronditëse, por të paktën kështu ka deklaruar Papa i cili ka pohuar pa hezitimin më të vogël se priftërinjtë dhe peshkopët kanë ngacmuar seksualisht murgeshat. “Kishte priftërinj dhe peshkopë që e bënin këtë. Ne kemi punuar për këto dosje për një kohë të gjatë dhe kemi pezulluar disa klerikë”, tha Papa, pa adresuar askënd, shkruan Iconstyle. Papa Françesku është i pari që flet për abuzime të tilla.