Aktorja meksikane Dulce Maria do të bëhet së shpejti nënë për herë të parë.

34-vjeçarja e cila u bë shumë e njohur vite më parë me rolin e “Robertës” në serialin “Rebelët”, po pret me padurim të marrë në krahë ëngjëllin e saj.

Në një intervistë së fundmi, aktorja tregoi se ajo dhe bashkëshorti nuk e kishin planifikuar të bëheshin me fëmijë, sidomos në një situatë të tillë prej pandemisë së Covid-19.

“Është një ndjenjë shumë e bukur, një bekim, por ne nuk e kishim planifikuar në këtë moment pandemie”-tha Dulce Maria.

Aktorja tregoi edhe sesi e zbuloi që do bëhet nënë. “Ndihesha shumë keq dhe vendosa të bëja një test shtatzënie. Në testin e parë doli negativ, por testi i dytë doli pozitiv. Ishte një moment shumë emocionues. Më përzihet nga mëngjesi deri në darkë. Nuk duroj dot aromat. Nuk kam mundur të fle shumë për shkak të shqetësimeve”-tregoi aktorja.

Aktorja u martua me producentin Paco Alvarez vitin e kaluar.

revistawho.com