Pavarësisht ëmbëlsisë që ka shfaqur gjithnjë në ekran, moderatorja e njohur, Bieta Sulo është treguar përherë tepër e rezervuar rreth raportit me bashkëshortin e saj, Alban Dudushi. Dyshja ka treguar se fundjavat zgjedhin t’i kalojnë herë pas here në natyrë së bashku me fëmijët, megjithatë nuk kishin publikuar asnjë foto më të ëmbël se kjo e një nate para Shën Valentinit.

Ka qenë Bieta ajo e cila ka ndarë me të gjithë ndjekësit në llogarinë e saj në ‘Instagram’ disa pamje ku shfaqet pranë Albanit, duke u puthur në dëborë. “Në prag të Shën Valentinit mund t’ia lejojmë vetes disa foto të tilla”, ka shkruar moderatorja krah postimit më të fundit.

View this post on Instagram

Ne prag te Shen Valentinit mund t’ia lejojme vetes disa foto te tilla 🥰

A post shared by Bieta Sulo (@bietasulo) on Feb 13, 2020 at 1:22pm PST

Në këtë postim nuk kanë munguar pëlqimet e fansave të dyshes, por dhe komentet e ndryshme nga miqtë e tyre, të cilët e kanë komplimentuar çiftin. Kujtojmë se Bieta dhe Albani janë prindër të një vogëlushi 2-vjeç e gjysmë, Kroi, për të cilin duket se tregojnë kujdesin maksimal gjatë gjithë kohës./revistawho.com