Ai shijon kënaqësitë e pushimeve në Formentera çdo vit.

Dhe Giorgio Armani, 88 vjeç, dukej në elementin e tij teksa rrinte në plazh gjatë temperaturave të nxehta të kësaj jave, shkruan DailyMail.

Dizajneri u zhvesh në një palë mbathje noti ndërsa bisedonte me miqtë dhe në të njëjtën kohë po shijonte një zhytje freskuese në det.

Giorgio dukej i nxirë teksa lahej në ujin e cekët me disa miq meshkuj.

Ai kishte një kapele bejsbolli blu të kaltër në kokë, me inicialet e tij të qepura anash.

Armani më vonë veshi një bluzë të bardhë dhe pantallona të shkurtra mbi rroba banje për një shëtitje përgjatë rërës pasi pushoi në hije, në karrigen e tij të plazhit.

Dizajneri dhe grupi i tij u nisën me varkë nga plazhi i tyre i preferuar, të cilin Armani shihet duke e vizituar shumicën e verës.

Ai dha një intervistë për revistën “Town & Country” vitin e kaluar, gjatë së cilës u pyet se çfarë shpresonte të ishte ndikimi i tij në botën e modës.

“Trashëgimia që do të doja të lija është një punë e palodhur, respekti dhe vëmendja ndaj realitetit”, shpjegoi ai.

“Suksesi në modë vjen nga shikimi i njerëzve dhe nevojave të tyre… Fillon nga bërja e rrobave të bukura”, shtoi ai.

“Moda është një punë serioze—dhe një punë e mrekullueshme, për këtë çështje”, theksoi stilisti me famë botërore.

Armani ka një xhiro vjetore prej 1.6 miliardë dollarësh (1.5 miliard euro), ndërsa stilisti italian ka një pasuri personale prej 8.1 miliardë dollarë (7.9 miliardë euro), sipas llogaritjeve të fundit në vitin 2017.

/Telegrafi/