Mentor Haziri, një nga zërat më brilant të muzikës, do të vijë në Tiranë me koncertin e tij “Shtigje tingujsh”, për të risjellë hitet më të mira të karrierës. Këngëtari ka publikuar në rrjetet sociale promon e këtij koncerti, që do të mbahet më datë 28 tetor, oora 20:00 në Qendrën e Kulturës, Katedralen Ortodokse. “Shtigje Tingujsh” titullohet ky koncert recital, në të cilin Haziri do të interpretojë “live” të gjitha këngët e suksesshme ndër vite, krijime që kanë triumfuar e kanë lënë gjurmë, në të gjitha skenat e spektakleve shqiptare. Mentori ka prezantuar superbandën që e shoqëron në këtë mbrëmje speciale të muzikës live, gjithashtu ka theksuar se do të sjellë të gjithë hit-et e tij të famshme si; “Engjëll”, “Kujtoje” dhe “Plagë në zemër”. Sipas mediave, në këtë koncert recital nuk do të mungojnë edhe shumë prej figurave publike të vendit./Story.al