“Mos lexoni”/ Pse po e masakrojnë Ermal Mamaqin?
Ermal Mamaqi ka pasur fatin e atyre që flasin edhe për gjëra që nuk i kuptojnë. Ai ka ngjallur një reagim të shproporcionuar në rrjetet sociale nga figura publike dhe komentues të thjeshtë, pas një mesazhi video që më shumë i ngjante një sallate fjalësh.
Me maninë për të dhënë mendimin e tij për gjithçka, aktori humorist ka tentuar të flasë për letërsi.
Në një mesazh të parë ai e ka ftuar publikun e tij të mos lexojë romane se në këtë kohë pandemie ato mund të jenë ushqim shpirtëror vetëm për pensionistët.
Por më brilant është mesazhi i dytë video, kur pasi ka marrë reagimet e para showmeni shpjegon se pse e ka thënë atë. Aty me mënyrën si ndërton fjalitë, si flet për librat, për lexuesit, për kategoritë shoqërore dhe fashat moshore, ai ka shpalosur gjithë bagazhin e vet intelektual dhe formimin e thellë.
“Mos lexoni budalliqe, ka ca që lexojnë romane. Nuk kam gjë kundër tyre, po kush lexon më romane tani! Lexoni libra që kanë vlerë e që lidhen me profesionin tënd dhe situatën që po kalon” porosiste Mamaqi (poshte).
Ne nje perpjekje deshperuese per te qene inspirues/frymezues, aktori i humorit Ermal Mamaqi paskeka “keshilluar” njerezit duke thene se “Mos lexoni Romane” ose sa me keq, pa u bazuar askund, as shkencerisht por as ne ndonje sondazh te thjeshte paska thene: Kush Lexon me romane?E tmerrshme, menyra si ka zgjedhur t’i flase audiences ky zoteria.Çme thua djale i dashur per Romanet qe kane mbetur ne historine e botes, dhe eshte turp te mos jene lexuar nga gjithesecili nga ne?!Po i permend disa qe me vijne ne mend tani shpejt e shpejt, por jam i sigurte qe ka me qindra mendje te ndritura qe kane shkruar Romane te mrekullueshme qe kane shenjuar letersine boteroreÇ’me thua për?Darka e Gabuar/ Ismail KadareDashuri ne Koherat e Koleres/ Gabriel Garcia MarquezLolita – Vladimir NabokovZonja Bovari/ Gustav FloberNjëqind vjet vetmi/ G.G Marquez…….. vijon pafund
Geplaatst door Isa Myzyraj op Maandag 20 april 2020
Lexo më tej:
Edhe gazetari Isa Myzyraj duke i numëruar një sërë romanesh që nuk duhen humbur: “Ne nje perpjekje deshperuese per te qene inspirues/frymezues, aktori i humorit Ermal Mamaqi paskeka “keshilluar” njerezit duke thene se “Mos lexoni Romane” ose sa me keq, pa u bazuar askund, as shkencerisht por as ne ndonje sondazh te thjeshte paska thene: Kush Lexon me romane?
E tmerrshme, menyra si ka zgjedhur t’i flase audiences ky zoteria”.
Edhe në reagimet në rrjet poshtë videos të postuar nga Mamaqi, ka pasur shumë ironi dhe fshikullim për të.
Por, në fakt, të gjithë ata që po i gjuajnë Ermalit po trokasin në adresën e gabuar. Ata kanë për letërsinë, kinematografinë, operat që përmend në videon e tij humoristi, një koncept krejt të ndryshëm nga i tij. Mamaqi i shef të gjitha këto, ashtu sikurse u drejtohet edhe ndjekësve të vet, si një burmim për të mbushur xhepin, ndërsa këtë të fundit si një mënyrë për të mbushur shpirtin.
Për këtë arsye këto janë dy botë që as mund të komunikojnë, as mund të debatojnë mes tyre. Dhe për fatin e mirë të Ermalit, në rrugën që ai ka zgjedhur e ndjekin shumë të tjerë. Boll të shohësh sa herë e kanë parë videon prej së cilës ai nxjerr lekë dhe sa komente pozitive ka poshtë saj.
©Lapsi.al
Me te lexuarat
Me te lexuarat
