Ajo është një nga fytyrat më interesante të industrisë së modës dhe po aq e përfolur për jetën e saj, sidomos pasi pranoi se është biseksuale.

Tani Cara Delevingne ka zbuluar për publikun se ajo është njeri më i mirë kur është e dashuruar.

Modelja ka pranuar së fundmi se ajo është çmendurisht e dashuruar me të dashurën e saj Ashley Benson, teksa ka pozuar në një set tepër të veçantë për revistën ELLE.

Cara u shpreh: “Nuk dua të jem më kaq e mbyllur rreth jetës sime, që njerëzit të mendojnë se ka diçka që më vjen turp. Por nuk kam qenë në ndonjë lidhje ku gjërat kanë qenë kaq shumë publike”.

Modelja 27, vjeçare e cila tani po zhvillon një karrierë si aktore, u tregua mjaft e hapur për jetën e saj.

Në intervistë bukuroshja britanike tha se është në lidhje me Ashley qysh nga maji i vitit 2018. Dhe duket se është tepër e lumtur dhe e qetë për t’i treguar gjërat ashtu siç ajo i ndjen./ revistawho.com