Mjeku Kalo: "Kurba e pandemisë është në rënie, uji i detit lufton Covid-19"

Mjeku Kalo: “Kurba e pandemisë është në rënie, uji i detit lufton Covid-19”

Mjeku i njohur shqiptar, Tritan Kalo, ka thënë se kurba e koronavirusit po bie në të gjithë botën, jo vetëm në vendin tonë. Ai ka thënë se për fat të mirë numri i të infektuarve me koronavirus ka qenë me ritme të ngadalta dhe kjo tregon se duhen liruar masat shtrënguese.

“Numri praktikisht është në rënie është stabilizuar, dje kemi pasur vetëm dy shtrime dhe uroj që me këtë ritëm të dalim shkumë shpejt nga kjo situatë. Masat tashmë janë drejt lirimit dhe uroj të bëhet sa më shpejt. Fatmirësisht është një trend në ulje që nuk është vetëm tek ne. Por ajo që nuk duhet të harrojmë është kombinimi i vetëndërgjegjësimit të popullatës me masat e marra kanë qenë dy faktorët bazë të uljes së nivelit të infektimit dhe atyre që kemi humbur, ajo që është e rëndësishme duhet të theksojmë se numri i infektimve është i ulët, dhe jo vetëm në Shqipëri por në të gjithë ato vende që kanë aplikuar masat kufizuese kanë pasur një sukses të tillë”, është shprehur mjeku gjatë “ABC-ja e mëngjesit”.

Po ashtu, mjeku ka theksuar se qeveria duhet t’i japi sa më shumë mundësi zhvillimit të turizmit sepse duhen oksigjenuar ‘mushkëritë’ për ekonominë. Kalo ka theksuar se uji i detit dhe dielli janë një mënyrë e mirë për të luftuar koronavirusin.

“Është mirëpërcaktuar se larja më shumë se 6 herë në ditë e duarve në ditë eliminon përhapjen e infeksioneve të ndryshme. Sa i përket detit ka mendime kontradiktore por të dhënat e fundit tregojnë se virusi Sars Cov 2 shkatërrohet shpejt por nuk duhet të harrojmë faktin se uji i detit duhet të mbahet i higjienizuar.

Mos të harrojmë fakstin se në studimet e e para 90’ ku dendësia e detit tashmë është më e lartë. Higjena e ujit të detit nuk lidhet vetëm me atë të virusit, por dhe me derdhjen e ujërave të zeza, por ajo që është e rëndësishme të theksojmë është se uji dhe dielli janë dy elementë të favorshëm ndaj luftës ndaj Sars Cov 2. Gjithashtu nga ana mjekësore është e domosdoshme që njeriu psikologjikisht të lëvizë jashtë ambientit të shtëpisë që ka një kohë të gjatë mbyllur, dhe të shkojë në ambiente që ka shumë ajër siç janë periferitë, për të ajrosur mushkërit që nuk krahasohet me ajrin brenda shtëpisë”, ka thënë Kalo.