Mjeku italian, nanopatolog nga Bolonja, Stefano Montanari, i ka shokuar të gjithë me deklaratat e tij të forta për virusin Covid-19. Në një intervistë të publikuar në Affaritaliani.it, dr. Montanari thotë se ky është një virus që shërohet vetë nga organizmi, në pjesën dërrmuese të rasteve, dhe nuk ka nevojë për masa ekstreme si ato që po vendosin qeveritë në botë. Për të, në Itali fajin e kanë ata që qeverisin e që e kanë katandisur sistemin shëndetësor në një stad, që nuk ka kapacitet për të përballuar një virus që godet mushkëritë. Sipas tij, koronavirusi po përdoret për një rindarje të pasurisë së botës, ku më të pasurit do të bëhen akoma më shumë më të pasur dhe do të thellohet varfëria. “Të vdesësh nga një sëmundje do të thotë se ajo sëmundje është shkaku i vdekjes. Për shembull një infarkt kardiak është shkak i vdekjes.

Ne duhet të tregojmë se ka vetëm 3 të vdekur nga Koronavirus. Vdekjet e tjera vijnë nga oktogenarianët që kishin kancer ose diabet. Në Itali 650,000 njerëz vdesin çdo vit, dhe ndoshta më shumë se gjysma do të kenë gjithashtu koronavirus. Kemi 20,000 vdekje në vit nga gripi, 49,000 nga infeksione të kontraktuara në spitale. Dhe nëse kërcej nga kati i 10-të dhe gjithashtu kam një ftohje, nuk mund të argumentohet se vdiqa nga një ftohje”. Ai foli lidhur me vaksinën, duke u shprehur se nuk mund të funksionojë, sepse kemi të bëjmë me një virus që nuk krijon imunitet. Sipas tij, është një mashtrim botëror dhe multimilioner, sepse duke u vaksinuar të gjithë do të ngrihet një biznes kolosal. Edhe masat e marra, sipas dr. Montanarit, janë një mënyrë për të detyruar njerëzit të vaksinohen. Lidhur me ngujimin e njerëzve, ai thotë se kjo do ta përkeqësojë shëndetin e yyre, pasi do të kenë mungesë vitamine D që e marrin nga dielli.

Kujtojmë se pas Kinës, Italia është vendi më i prekur me 4825 viktima. Ndërsa në vendin tonë numri i të prekurve ka arritur në 89, 2 prej të cilëve kanë ndërruar jetë.