Udhëheqësi i Australisë, Anthony Albanese, e ka quajtur Elon Musk një “miliarder arrogant” në një grindje të përshkallëzuar mes tyre mbi refuzimin e rrjetit “X” për të hequr pamjet e një goditjeje me thikë në një kishë në Australi.

Të hënën, një gjykatë australiane urdhëroi firmën e mediave sociale të Elon Musk – e quajtur më parë Tëitter – të heqë videot e sulmit të javës së kaluar në Sydney.

Kritika e kryeministrit Anthony Albanese pasoi përgjigjen e Musk, i cili përdori një meme ku akuzonte qeverisë australiane për censurë.

Të martën, Albanese i tha ABC News se Musk “mendon se është mbi ligjin, por edhe mbi mirësjelljen e përbashkët”.

Javën e kaluar, komisioneri i Australisë për sigurinë në internet, e-Safety, një rregullator i pavarur, kërcënoi X dhe kompanitë e tjera të mediave sociale me gjoba të majme nëse nuk hiqnin videot e goditjes me thikë në kishën Asirian Christ.

X argumentoi se urdhri “nuk është brenda fushëveprimit të ligjit australian”.

“Më duket e jashtëzakonshme që X zgjodhi të mos respektojë vendimin e gjykatës dhe po përpiqet të argumentojë veprimin etyre,” tha Albanese në një konferencë për shtyp.

Në një seri postimesh të mëvonshme në internet, Musk shkroi me ironi: “Unë do të doja të falenderoja kryeministrin për informimin e publikut se kjo platformë është e vetmja që është e vërtetë”.

Më herët, ai kritikoi gjithashtu komisioneren e eSafety, Julie Inman Grant, duke e përshkruar atë si “komisarja australiane e censurës”.

Albanese mbrojti zonjën Grant, duke thënë se ajo po mbronte australianët.

“Mediat sociale duhet të kenë përgjegjësi sociale. Zoti Musk nuk po e tregon këtë” tha ai.

Platforma do të ketë 24 orë për të përmbushur urdhrin e mbrëmjes së të hënës, me një seancë të mëtejshme për këtë çështje që pritet në ditët në vijim.

euronews.al