Interesi për të gjitha gjërat e Meghan Markle dhe të Familjes Mbretërore Britanike është rritur që prej intervistës ‘bombë’ me Oprah Winfrey.

Kjo bisedë ngriti shumë pyetje në lidhje me punën e brendshme të Shtëpisë së Windsor dhe për atë që Princi Harry dhe Markle po planifikojnë të bëjnë për një kohë të gjatë tani që nuk po përfshihen më në punët mbretërore, shkruan “Page Six”.

Kjo pyetje e fundit ka tërhequr veçanërisht interesin e shtypit dhe ka çuar në një larmi spekulimesh duke përfshirë lajmin që Meghan Markle po planifikon të kandidojë për Presidente në 2024-ën.

Biseda Presidenciale në fakt shtrihet para intervistës me Winfrey. Shtatorin e kaluar, “Vanity Fair” publikoi një artikull duke thënë se Meghan e konsideronte seriozisht kandidimin për Presidente, duke thënë se kjo është arsyeja pse nuk hoqi dorë nga shtetësia e saj e SHBA-së, kur u martua me Princin Harry.

Reagimet në të vërtetë nuk bënë bujë të madhe në atë kohë, por po tërheqin përsëri vëmendje pas intervistës me Winfrey.

Epo, është e vështirë të shikosh bisedën e Meghan Markle dhe Oprah Winfrey dhe të mos shohësh opsione të mundshme politike. Markle ka një mënyrë reale të komunikimit dhe ajo është e gatshme të sjellë tema më të mëdha dhe të pakëndshme të bisedës.

Si një mbretërore britanike dhe një aktore e njohur, ajo ka aftësi komunikimi, përvojë jetësore në skenën botërore dhe shumë karizëm natyral. Nëse mund të përdorni “Twitter” si një matës, ajo është gjithashtu e pëlqyer nga një përqindje e gjerë e publikut.

Siç kanë provuar në të kaluarën Ronald Reagan, Donald Trump dhe të tjerët, njohja e emrit mund të ndihmojë mjaft në politikën amerikane.

Ekspertët kushtetues thonë se ajo ka të ngjarë të ketë nevojë të heqë dorë nga titulli i saj Mbretëror (Dukesha e Sussex) në mënyrë që të kandidojë, dhe është e paqartë nëse ajo do të dëshironte të tërhiqte llojin e vëmendjes që do të vinte pas një pushteti politik duke pasur parasysh se sa keq u trajtua nga tabloidët britanikë.