Telashet për ish-presidentin amerikan nuk kanë të ndalur. Trump është thirrur për t’u paraqitur në një gjykatë në Uashington DC të enjten në orën 16:00 me orën lokale për t’u paraqitur para gjykatëses Moxila Upadhyaya.

Trump është akuzuar për pengim të procesit zyrtar dhe komplot kundër të drejtave të qytetarëve në përpjekje për të përmbysur rezultatin e zgjedhjeve të 2020-ës.

Ai e quajti atë “një tjetër aktakuzë të rreme” dhe një përpjekje për të ndërhyrë në fushatën e zgjedhjeve presidenciale 2024, duke u udhëhequr nga një prokuror “i çmendur”.

Çështjet penale të Trump

–Rasti i ndërhyrjes në zgjedhjet e 6 janarit (Ëashington DC): Trump akuzohet për katër akuza, duke përfshirë komplotin për të mashtruar Shtetet e Bashkuara dhe një përpjekje për të penguar një procedurë zyrtare.

Ai do të dalë në gjykatë më 3 gusht.

-Mosdeklarim i pasurisë: Trump po përballet me 34 akuza për falsifikim të të dhënave të biznesit në lidhje me pagesat e parave të bëra përpara zgjedhjeve të 2016-ës për yllin e filmave për të rritur Stormy Daniels.

-Rasti i dokumenteve të klasifikuara: Trump përballet me 40 akuza penale për keqpërdorimin e supozuar të dokumentave të klasifikuara pasi u largua nga Shtëpia e Bardhë.

-Ndërhyrja në zgjedhje në Gjeorgji: Nga katër rastet kryesor, ky është i vetmi që është ende në fazën e hetimit që do të thotë se nuk janë ngritur aktakuza.

Në fillim të këtij viti në një gjyq civil, një juri zbuloi se Trump kishte abuzuar seksualisht me E Jean Carroll dhe i dha shkrimtares pothuajse 5 milion dollarë (3.9 milion £) dëmshpërblim.

Ndërkohë, praktikat e biznesit të kompanisë së tij familjare, Organizata Trump, po shqyrtohen edhe nga prokurorët në Nju Jork.

Duke çuar në gjyq Donald Trump, Departamenti Amerikan i Drejtësisë ndjek penalisht në të njëjtën kohë argumentin për besimin e publikut në sistemet e tij të drejtësisë dhe qeverisë.

Gjyqet e Trump do të jenë një provë e këtyre institucioneve.

6 janari ishte një luftë për demokracinë amerikane dhe po ashtu edhe çështja gjyqësore në bankën e të akuzuarve.

Por kush është prokurori famëkeq që do të gjykojë Trump?

Përballja e ish-presidentit amerikan Donald Trump me drejtësinë po ndiqet me një interes të lartë në mbarë botën, por së fundmi një pjesë e madhe e kësaj vemendje është përqëndruar tek Prokurori i cili po heton 2 prej këtyre çështjeve.

Mediat ndërkombëtare e kanë konsideruar Jack Smith si makthin e Donald Trump. Ish presidenti Amerikan e ka akuzuar prokurorin se ka nisur një gjueti shtrigash ndaj tij ndërsa shpesh here e ka quajtur atë edhe të çmendur.

54 vjecari, i cili është emëruar këshilltar special në dy hetime që Departamenti Amerikan i drejtësisë po kryen ndaj Donald Trump nuk është një emër I panjohur në drejtësinë Amerikane.

Jack Smitth, i cili është diplomuar në Fakultetin e Drejtësisë në Harvard e ka dalluar karrierën e tij në vitin 1994 si ndihmës avokat qarku në zyrën e prokurorit të qarkut të Manhatan.

Në një dekade ai arrit te behej prokkuror në Brooklyn ku ndoqi raste të shumta mbi bandat e dhunshme dhe rastet e korrupsionit publik. Jack Smith ishte aq i apasionuar pas punës së tij sa dëshmitarët tregojnë se ai ka fjetur një natë në korridorin e një pallati në mënyrë që të mund të bindte një grua që ishte viktimë e dhunës në familje që të sillte dëshmitar në gjykatë.

/abcnews.al