Vajza e regjisorit të famshëm të Hollywood, Steven Spielberg filloi karrierën në pornografi në fillim të këtij viti. Dhe tani Mikaela Spielberg shprehet se puna e seksit ka qenë forcë shëruese në jetën e saj.

24-vjeçarja, e cila u adoptua nga regjisori i famshëm dhe bashkëshortja e tij Kate Capshaw, “pushtoi” titujt e mediave pas një mosmarrëveshje me të fejuarin e saj në atë kohë, Chuck Pankoë, i cili ishte 27 vite më i madh se ajo.

Mes akuzave për dhunë në familje, Mikaela luftoi me abuzimin me substancat narkotike, depresionin, ankthin dhe pothuajse mbeti e pastrehë.

Por ajo zbuloi për The Sun në fillim të këtij viti se filloi të punonte për industrinë e filmave për të rritur.

Dhe së fundmi, ajo pranoi se puna në pornografi e ka shëruar nga e kaluara e saj.

“Unë gjithmonë kam qenë një person me natyrë shumë seksuale, gjë që më ka futur në telashe më parë,”– tha ajo për The Sun, në atë periudhë.

Ndërsa në intervistën e fundit shpjegoi se “ka mësuar që nuk i pëlqen “përmbajtja hardcore”, por ajo me pasion.

“Mund të jetë e vështirë të keni besim tek vetja, kur ju është thënë se nuk jeni aq e bukur sa dikush të dëshirojë të bëjë seks me ju dhe zbuloni se kjo nuk është e vërtetë. Kjo mund të jetë një përvojë shërimi, e dini?”– u shpreh Mikaela.

Mikaela punon për faqen pornografikë ManyVids ku publikon video live si edhe të regjistruara nga shtëpia e saj në Nashville.

Ajo pranoi se dy vite më parë se “zemra iu ishte thyer më dysh, ishte e pambrojtur dhe shpirti iu ishte copëtuar” se se dhimbjen e saj e mbulonte me pije, por tani nuk e bën më këtë gjë.

“Jam mes një udhëtimi shërimi. Rreth dy vite më parë isha në gjendjen e time më të keqe,”– tregoi ajo.

Ndërsa pranoi se nëse nuk do kishte bërë punën që “i duhej të bënte mbi veten dhe marrëdhënien e saj do të kishte vdekur brenda vitit.”

24-vjeçarja tregoi se puna në pornografi i ka ofruar asaj kënaqësi.

“Me të vërtetë po e shijoj punën dhe më jep një mënyrë tjetër të këndvështruarit të jetës,”– theksoi Mikaela, teksa pranoi se nuk ka ndërmend të heqë dorë nga puna e seksit.

“E dua aq shumë atë. Me të vërtetë më pëlqen dhe ndoshta do e bëj përgjatë gjithë pjesës tjetër të jetës,”– u shpreh ajo.

/Panoramaplus.al