Së fundmi, këngëtarja e njohur italiane Emma Marrone, ka bërë një bashkëbisedim me ndjekësit e saj, duke iu përgjigjur pyetjeve të tyre në Instagram. Ylli televiziv është shumë diskrete sa i përket jetës së saj private por këtë radhë vendosi të rrëfehet ‘pa doreza’ para fansave të saj.

Një ndjekës e pyeti atë se kur ishte hera e fundit që bëri dashuri. Emma u përgjigj shumë sinqerisht:

Dhjetorin e kaluar. Pothuajse një vit më parë. E di… Keq… Shumë keq vërtet!

Rikujtojmë, se edhe aktorja e njohur Drew Barrymore së fundmi është shprehur se mund të kalojë vite të tëra pa bërë seks. Drew e bëri këtë deklaratë në episodin e ri të “The Drew Barrymore Show”, pasi mësoi se Andrew Garfield abstenoi për gjashtë muaj nga marrëdhëniet seksuale ndërsa përgatitej për të luajtur në filmin Silence.

Aktorja dhe bashkë-prezantuesi Ross Mathews diskutuan vendimin e Garfield për të mos bërë seks në përgatitje për rolin e tij si prift në filmin e Martin Scorsese. Në dukje e pa impresionuar nga vendimi i aktorit amerikan, ylli me famë botërore shtoi më tej:

Unë isha sikur: ‘Po, edhe?’ Unë mund të rri me vite të tëra pa bërë seks.

Top Albania Radio