Mbretëresha mund të mbetet në izolim për muaj dhe të mos kthehet kurrë në detyrë në vijën e parë të ftontit, pasi qeveria britanike kërkon të lehtësojë masat e bllokimit për koronavirusin gjatë javëve të ardhshme.

Mbretëresha 94-vjeçare, së bashku me burrin e saj, princin Philip nuk mund të lejohen të marrin detyrat e tyre publike për shkak të rrezikut të infektimit me Covid-19.

Pretendimet vijnë fill pasi Kryeministri Boris Johnson përcaktoi sot një ‘plan dalje’ provë me tre faza dhe i bëri thirrje vendit të kthehej të punonte.

Biografi mbretëror Andreë Morton, 66 vjeç, i tha The Sun se ai kishte frikë se Mbretëresha, nuk mund të jetë kurrë në gjendje të kthehet në detyrat e saj të rregullta dhe ka shumë të ngjarë të shihet në lidhje me TV, por jo në kontakt me publikun.

Ai i tha gazetës: “Është jashtëzakonisht e trishtuar, por nuk shoh se si Mbretëresha mund të rifillojë punën e saj të zakonshme. Virusi Covid-19 nuk do të zhduket së shpejti dhe do të jetë me ne për muaj, në mos vite. Do të ishte shumë e rrezikshme që Mbretëresha të fillojë të takojë njerëz rregullisht.”

Sot The Sunday Times raportoi se Pallati Buckingham do të mbyllet gjatë verës. Është hera e parë në 27 vjet që ndodh kjo gjë. Mbretëresha dhe Duka i Edinburgh janë izoluar me një familje të zvogëluar që nga 19 Marsi.

Burimi: DailyMail

R.L/Dosja.al