Nga Klotilda Harka

Dikur intervistoi Luiz Ejllin në Eurovizion, sot yll në Hollyvood krah Lady Gagës. Marko Caka është aktori shqiptar, që ka arritur të prekë magjinë e Hollywood-it, duke intepretuar në gati 100 filma të industrisë së famshme. Atëherë gazetari i njohur në Greqi, Caka, përveç personazheve të famshëm botërorë, gjatë karrierës së tij i ka rastisur të intervistojë dikur dhe personazhin e momentit, Luiz Ejllin, pretendentin kryesor për të fituar “Big Brother VIP 2”. Për revistën “Story”, Marko Caka rrëfen impresionet nga takimi dhe intervista me Ejllin në Athinë, kryeqyteti i Greqisë, ku u mbajt Festivali Europian në vitin 2006. Për Luizin artist kur konkurronte me këngën “Zjarr e ftohtë” me vargje të shkruara nga i ndjeri Dr. Flori, dhe Luizin sot “aktor” të asaj që ai vetë e konsideron loja e “Big Brother VIP 2”, Caka që aktualisht është angazhuar në xhirimet e “Joker 2” me Lady Gaga, na i rrëfen për revistën “Story”.

Marko, dikur si gazetar ke intervistuar Luiz Ejllin në Athinë, kur ai u ngjit në skenën e Eurovizionit në vitin 2006. Çfarë kujton nga ai takim me këngëtarin e sapo dalë nga “Ethet”, fama e të cilit sot si lojtar i “Big Brother VIP 2” ka mbërritur deri në SHBA, ku ti jeton?

Luizi ishte shumë inteligjent, i dashur me grupin dhe plot batuta, dhe kujtoj që e patëm kaluar mirë gjatë reportazhit që realizova. E shoqërova dhe në një lokal në qendër të Athinës. Gjithashtu mbaj mend se gjatë provave dhe konferencës për mediat, kolegët gazetarë e admironin për paraqitjen e tij. Kishte shumë sens humori, dhe mos të them edhe ngjallte xhelozi brenda grupit të tij nga Shqipëria, sepse krejt vëmendja mediatike ishte drejt tij.

Kush ishin personat pjesë e grupit që e shoqëronin, e çfarë të bëri përshtypje?

E shoqëronte kompozitori i tij, Klodian Qafoku dhe drejtues i grupit ishte Artur Zheji. Në grupin e tij ishte dhe autori i tekstit të këngës “Zjarr e ftohtë””, i ndjeri Dr. Flori, nëse s’gaboj! Mbaj mend që ishte dhe një pjesëtar i grupit “Produkt 28”, si dhe Petrit Lulo, etj. Më bëri përshtypje se e quanin veten me background dhe karrierë, dhe pak a shumë nuk e donin veten pas Luiz Ejlllit, që ishte një talent i sapo zbuluar nga “Ethet e së premtes mbrëma”.

Po kolegët grekë e pëlqyen performancën e tij, “Zjarr e ftohtë”?

Kolegët grekë e pëlqyen baladën e Luizit, por dihet që Eurovizioni është klanor, dhe zgjodhën disa artistë nga Norvegjia, më duket si vikings.

Mbajtët kontakt me Luizin pas atij takimi, pasi jeni dhe nga i njëjti qytet?

Jo, se jeta ka rrjedha. Por i pëlqeva shumë se ashtu është jemi nga i njëjti qytet, Shkodra. Isha i vetmi që e intervistova në Athinë për një media shqiptare si “Panorama”, dhe ishte mirënjohës. Pas asaj eksperience të rëndësishme, mesa di ai u angazhua me diplomacinë, kurse unë u vendosa në SHBA. Por me thoshte: “Mos të humbasim, dhe takohemi në Shqipëri”.

Ti aktualisht jeton në SHBA. Të bën përshtypje që fama e tij ka mbërritur deri aty, jo si këngëtar por tashmë si lojtar i “BBVIP”?

Po, kam dëgjuar. Të gjithë flasin për të. Kuptohet digjitalizimi e ka bërë më të popullarizuarin, dhe më të admiruarin, Luiz Ejllin.

Sa i përket karrierës si aktor në Hollyvood, cili është projekti yt aktual filmik?

Tani jemi me xhirimet e “Joker 2” me Lady Gaga, Joakim Fenix. Kemi pasur në xhirime mbi 500 paparacë. Në foton që po u siguroj, ajo që është mbrapa meje është Lady Gaga, background of me. (Qesh). Në xhirime ne aktorëve nuk na lejohen fotot, por paparacët e vizitorët i kanë postuar në social media. /www.story.al