Vilsoni, një 11-vjeçar me sindromën “Down” është një ndër fansat më të mëdhenj të Marina Vjollcës.

Këtë e ka treguar babai i tij, teksa ishte i ftuar ditën e djeshme në “Ka një mesazh për ty”.

Nisur nga kjo, moderatori Ardit Gjebrea vendosi që t’i bënte një surprizë 11-vjeçarit duke sjellë në studio pikërisht Marinën.

Vilsoni vrapo menjëherë drejt moderatores për ta përqafuar, ndërkohë që Marina i dhuroi një puthje në faqe, nga e cila i mbeti shenja e buzëkuqit të kuq.

Mirëpo, Vilsoni kërkoi që ajo t’ia fshinte shenjën, duke thënë se i bëhet xheloze e dashura.

Pjesë nga biseda:

Marina Vjollca: Të ta fshi apo do e mbash kujtim?

Vilsoni: Jo.

Ardit Gjebrea: Mos mo ta kishe mbajtur kujtim.

Vilsoni: Jo, jo.

Ardit Gjebrea: Pse ta shikon ndonjë dhe bëhet xheloze?

Vilsoni: Po.

Marina Vjollca: Kush bëhet xheloze more?

Vilsoni: E dashura.

Marina Vjollca: Vilson, nuk jam unë e dashura jote?

Vilsoni: Jo ti ke burrin.

Marina Vjollca: Ku e di ti që kam burrin unë mo?

Vilsoni: Po e di.

Marina Vjollca: E kush është e dashura jote, si e ka emrin?

Vilsoni: Ledi.

Marina Vjollca: Unë po bëhem xheloze.

Vilsoni: Jo, jo mos u bëj.

Panorama.al