Marina Vjollca është një ndër prezantueset më të pëlqyera të publikut tanimë prej vitesh. Me datë 24 nëntor të vitit që lamë pas, bukuroshja dhe partneri i saj, Getoar Selimi u bënë për herë të parë prindër.

Çifti u bekua me një vajzë, të cilën e bekuan me emrin Marget (nga bashkimi i emrave, Marina dhe Getoar). Marina u shfaq në ekran deri ditët e fundit të shtatzënisë dhe u rikthye menjëherë pas lindjes duke mos lënë pas pasionin e saj për televizionin.

Ndërkaq, shpeshherë Marina ka treguar se pasioni i Getoarit është gatimi. Reperin nuk e kishim parë ndonjëherë duke gatuar. Në videon e postuar në Instastory, Marina na ka treguar si rrallëherë bashkëshortin e saj i cili shfaqet me një thikë të madhe në dorë duke prerë mishin.

Marina nuk ngurron fare t’i bëjë një video ku qesh dhe e thërret duke e quajtur “kasap”. Anash videos, Vjollca shkruan se: Mungonte kasapi.

Rikujtojmë, se së fundmi në emisionin “Ëndërrtjerrësit”, Marina ishte së bashku me motrën e saj, Luanën, për të treguar gjithë karrierën e tyre në Top Channel ndër vite që nga fillimet. Megjithatë jo vetëm kaq.

Një temë që nuk mund të lihej pa u diskutuar ishte dhe mëmësia, tani që Marina është bërë nënë e Marget. Moderatorja është treguar gjithnjë e rezervuar dhe nuk e ka zbuluar kurrë portretin e vajzës së saj në rrjete sociale.