Nuk e dimë pse ka akoma njerëz që tmerrohen nga strijat apo celuliti e kanë ca reagime pa takt. Personazhet publikë janë ata që e ndjejnë më shumë peshën e këtyre komenteve. Së fundmi ka qenë Lei Kraja, moderatore dhe modele e njohur. Ajo publikoi disa foto me rroba banje në ‘Instagram’ dhe dikush i shkruan i/e alarmuar nga strijat që arrin të shohë. Kaq ka mjaftuar që Lei të reagojë në mënyrën e saj duke bërë një koment, me mesazh të qartë për të gjithë: “Po strija janë. Jam njeri edhe unë”.

Besojmë se u kuptuam… Do ishte mirë që disa gjëra të normalizohen, përshembull strijat e celuliti. Askush nuk i shpëton dot, ndaj më e mira është t’i pranojmë si cilësi të fizikut që fundja nuk na sjellin asnjë pasojë shëndetësore./revistawho.com