Reperi i njohur shqiptar, Ledri Vula, ka hapur dyert e shtëpisë duke dhënë kështu mundësinë të fotografohet dhe të shihen nga afër të gjitha pamjet e vendit ku 32-vjeçari kalon një pjesë të mirë të kohës së tij. Kamera e ‘My living’ ka mundur të sigurojë çdo ambient të shtëpisë së Vulës, duke zbuluar detaje të arredimit, për të cilat është kujdesur mamaja e Ledrit, zonja Xheraldinë. Duke vështruar me vëmendje që nga salloni, dhoma e ndënjes, dhoma e gjumit apo oborri, dallohet lehtësisht se ngjyrat e tokës janë ato të cilat dominojnë në shumicën e hapësirës së shtëpisë. Midis një stili retro, por dhe modern në të njëjtën kohë më poshtë ju shfaqim pamjet e qarta, të cilat me siguri do të ngelen gjatë në mendjen tuaj, shkruan Who.