Ndërkohë që shumica prej nesh poston foto nga pushimet në Instagram për të marrë disa pëlqime nga miqtë, disa njerëz, që ndodh të jenë yje ndërkombëtarë të showbiz-it, paguhen për një postim të sponsorizuar aq sa ne nuk do paguhemi për vite me rradhë.

Për një kohë të gjatë, më e paguara e Instagram-it ka qenë sigurisht Kylie Jenner, e cila ka më shumë se 183 milionë ndjekës në këtë rrjet social. Këtë vit gjithsesi ajo ja ka lënë “fronin” aktorit Dwayne “The Rock” Johnson. Ish-pjesëtari i WWE, tashmë aktor i suksesshëm, ka 188 milionë ndjekës në Instagram dhe fitimet e tij janë rritur me 15% që nga viti i kaluar.

Lista e “Hopper HQ” e personazheve më të pasur të Instagram-it, tregon se Johnson paguhet më shuëm se 1 milionë dollarë për një postim të sponsorizuar në këtë platformë. 22-vjeçarja Jenner për të njejtën gjë merr rreth 980 mijë dollarë, duke pësuar rënie nga vjet. Kujtojmë se pjesëtarja e klanit Kardshian/Jenner pak kohë më parë u hoq nga lista e miliarderëve të Forbes, ndërkohë që ditën e sotme motra e saj, Kim Kardashian, arriti të futej në listë për herë të parë.

Në listën e më të pasurve të Instagram-it është edhe Cristiano Ronaldo, i cili edhe pse ka më shumë ndjekës se të sipër përmendurit, merr rreth 889 mijë dollarë për një postim të sponsorizuar. Top 10 është kjo:

/News31.al