Luiz Ejlli u shpall fitues i Big Brother VIP Albania. Përballë tij, në finale e madhe ishte Kristi Aliaj i cili së fundi ka folur për rrugëtimin e tij në shtëpinë e famshme.

I ftuar në “Ftesë në 5”, Kristi ka folur për lojën që bëri në BBVA dhe raportin me disa prej ish-banorëve, në veçanti për Oltën dhe Luizin. Sipas Kristi, Olta ishte një person manipulues ndërsa Luizi tentonte të nënshtronte të tjerët në lojën e tij.

“Ishte e vështirë ta përballoje Oltën kur fillonte me stilin manipuluese dhe imponues, Olta provonte të të manipulonte kurse Luizi provonte të të nënshtronte në lojën e tij, këta ishin dy ekstreme që luftonin me gjithë banorët e tjerë”, tha Kristi. Më tej, ai u shpreh se në një moment kishte besuar se do të ishte fitues për shkak të asaj që kishte përfaqësuar në shtëpinë e famshme, madje e ndjeu se edhe Luizi ishte frikësuar në një moment.

“Luizi kishte një besim kot, të pakuptimtë, kur doli Efi pas Deas aty Luizit me të vërtetë i iku komplet, shkoj te martesa, u kthye dhe më tha surprizat më kanë mbaruar, më pa dhe mua me jelekun shqiptar aty dhe tha më iku nga dora çdo gjë që kam bërë, e besoja fitoren në një moment se nuk e kisha idenë se çfarë impakti kishte krijuar personi i Luizit jashtë”, u shpreh Kristi, duke shtuar:

“Luizi ishte gangster, ai përdorte gjëra që bëjnë gangsterët intimidim, agresion ai dominoi me atë se aftësi tjetër nuk kishte të dominonte, një pjesë e madhe ashtu e vlerëson dominancën, kurse unë dominova me gjëra tjera”. Luizi u shpërblye në fund të show-t me 100 mijë euro teksa tre finalistët Kristi, Efi dhe Deamishel morën nga 10 mijë euro secili.

Bordo