Ish-finalisti i “Big Brother VIP” Kristi ka treguar për herë të parë më shumë detaje lidhur me të dashurën e tij të re.

Në një intervistë për “Ftesë në 5”, ai ka rrëfyer se vajza që ia ka marrë zemrën është shqiptare, brune, studion në Angli dhe është shumë ndryshe nga vajzat e tjera që ai i quan “tipike shqiptare”.

“U takuam në një ekspozitë dhe më bëri shumë përshtypje se nuk kishte lidhje me vajzat tipike shqiptare. Në fillim bëri sikur nuk më njihte, ishte shumë e thjeshtë dhe më pëlqeu. Filluam folëm për art, bëmë foto që orën e parë. Pastaj u takuam pas një jave dhe folëm prapë për art. Kur themi folëm për art, nënkupton shumë gjëra të bukura, full çdo gjë”, tha ai, duke lënë të kuptohet për intimitet mes dyshes.

Kristi pohoi se ka afirmimin e plotë të Robertit për këtë marrëdhënie, ndërsa nuk ngurroi të tregonte se dashuria mund ta çojë edhe në Angli, aty ku studion e dashura e tij e re.