Kim Kardashian dhe Kayne West njihen për jetën luksoze që bëjnë dhe pasurinë që kap vlera të mëdha. Disa minuta më parë ka qenë ylli i ‘Keeping up with Kardashians’ që ka publikuar disa video në ‘Instagram’ ku shfaqet teksa nis një udhëtim me një avion privat superluksoz, bashkë me bashkëshortin e saj. Ajo flet gjatë kohës që xhiron dhe tregon se është hera e parë që provon këtë eksperiencë, ndërsa me shaka vazhdon fjalën duke thënë që as nuk ka dëgjuar ndonjëherë për aviona të tillë. Më pas Kim ndan me ndjekësit e saj pamjet nga arredimi i avionit, i cili ka një dhomë gjumi, banjë luksoze, dhomë ngrënie, korridor gjigand dhe gjithçka tjetër, shkruan Who. Me ironi, ajo e konsideron këtë udhëtim si diçka shumë të zakontë, megjithëse në fillim mahnitet edhe vetë.