Britney Spears e ka humbur betejën në gjyq përsa i përket kujdestarisë së saj. Pavarësisht kërkesës së këngëtares, që mos të ishte më në kontrollin e të atit, Jamie Spears, gjykata e Los Angeles refuzoi të bënte ndryshime. Kjo do të thotë që babai i saj do të kontrollojë çdo biznes apo çështje personale të këngëtares deri në seancën e radhës në shkurt 2021.

Prej disa muajsh, fansat e këngëtares nisën fushtën #FreeBrintey (Lironi Britney-n), pasi mendojnë se ajo keqtrajtohet dhe nuk i jepet asnjë e drejtë humane nën kujdestarinë e të atit. Pas vendimit të gjyqit, Britney ka falenderuar fansat për mbështetjen, edhe pse nuk përmendi çështjen:

“Më duket sikur do e shohim këtë kohë në karantinë si një fazë të madhe tranzicioni për jetët tona. Nuk e dimë se kur gjërat do rikthehen në normalitet, por po qëndrojmë pozitivë dhe po mësojmë shumë për veten tonë! Sa për mua, dua të falenderoj të gjithë fansat e mi të dashur që janë kaq të mrekullueshëm! Jua ndiej zemrën dhe e di që ju e ndjeni timen. Faleminderit për mbështetjen.”

View this post on Instagram

I feel like we will look back at this time in quarantine as a huge transitional stage in our lives ….. we don’t know when things will go back to normal but we are staying positive and learning so much about ourselves !!!! For me I want to thank all my dear … sweet … real fans for being so damn wonderful !!! I can feel your hearts and I know you can feel mine 💞🌹💖 … thank you for your support ⭐️⭐️⭐️ !!!

A post shared by Britney Spears (@britneyspears) on Aug 20, 2020 at 4:30pm PDT

Britney është nën kontrollin e të atit që në 2008, pasi doli nga përkujdesja psikiatrike, duke qenë se mendohej se ishte e paaftë emocionalisht dhe mendërisht për t’u kujdesur për veten. /News31.al