Një romancë që duket sa ka nisur më parë, por që Chi e ka zbuluar në pushimet luksoze me yacht të futbollistit të Romës, me miqtë e tij, mes të cilëve një shqiptare… Pikërisht ajo, Kejdis Bardhi, sipas asaj që zbulon revista italiane, i ka marrë mendjen e zemrën mesfushorit, që është në qendër të merkatos, nën presingun e Juventus.

Asnjë puthje që mund të konfirmojë lidhjen intime mes të dyve, por gjesten përkëdhelëse nuk mungojnë. Përveç se me Kejdis, lojtari i Romës nuk po del me asnjë vajzë tjetër. Kështu, në pritje për të mësuar se cila do të jetë e ardhmja e tij futbollistike, Nicolo Zaniolo është duke shijuar pushimet para se të rikthehet në stërvitje për sezonin e ri. E përjavshmja Chi ka publikuar disa foto ku shihet lojtari i Romës në yacht, në shoqërinë e disa miqve, ku vendin special e ka Kejdis Bardhi, parukierja shqiptare me forma seksi.