Momenti kur zbulon se partneri të tradhton me dikë tjetër, është si të të bjerë çatia mbi kokë! Një nga ato situatat tipike që nuk ia uron asnjë vajze t’i ndodhë, e jo më vetes.

Një fije e hollë e ndan trishtimin nga dhimbja, po udhërrëfyes të sigurt nuk ka. Të gjithë ne mund të përjetojmë një situatë të ngjashme, ndaj nëse iu ndodh, këto janë gjërat që duhet të bëni për të çliruar veten, sipas “Psychology Today”.

Merrni frymë thellë dhe përjetoni ndjenjat tuaja.

Shumë shpesh, njerëzit nuk i japin vetes hapësirë dhe kohë për të përjetuar emocionet dhe ndjenjat e tyre, shpjegon Piper S.Grant, një psikologe klinike e licensuar, terapiste e seksit dhe eksperte e marrëdhënieve. “Pra, nëse duhet të bërtisni, bërtisni në një jastëk dhe jo tek partneri juaj“,- thotë ajo. “Nëse keni nevojë të qani, atëherë lëshoni një britmë të shëmtuar dhe kaq“.

Kthehuni tek rrethi i miqve mbështetës.

Shkoni tek një mik/eshë që ju e dini se është përkrahës dhe pa gjykim. “Nuk është e pazakontë që miqtë të duan të hidhen në situatë shpëtimi dhe të të ofrojnë këshilla për atë që duhet bëni“,- thotë Gant. Ata mund të mendojnë se po të ndihmojnë, por në fund të fundit mund të të bëjnë të ndiheni të hutuar dhe më pak të sigurt për atë që duhet të bëni.

Përpiquni të kuptoni se çfarë ka ndodhur.

Sigurohuni që të dëgjoni partnerin tuaj dhe mos bëni supozime. “Sa më shumë të mos dëgjoni deajet specifike, ju nuk do të kuptoni arsyet që e kanë çuar partnerin në një tradhti“,- thotë Bethany Ricciardi, një eksperte e marrëdhënieve seksuale.

Vlerësoni gjendjen e situatës suaj.

Ku e gjete? Je e sigurt? A ndjehesh mirë duke qëndruar në të njëjtin vend ku keni jetuar me partnerin tuaj? Nëse jo, gjeni një hapësirë tjetër ku të kujdeseni dhe të ndjeheni mirë me veten, sugjeron Ricciardi. “Gjërat mund të bëhen mjaft të paqëndrueshme kur punohen me pabesi, ndërsa ju doni të siguroheni që jeni në një mjedis të qëndrueshëm dhe vazhdoni të kujdeseni për jetën tuaj të përditshme“.

Të dish se nuk është faji yt.

Ishte thirrja për të mashtruar, dhe ai i shkoi pas! “Pa marrë parasysh se cila ishte situata, partneri juaj kishte një angazhim dhe përgjegjësi me ju dhe për ju, ndaj ju nuk mund të ndiheni përgjegjës për veprimin e tij“, thotë Lori Bizzoco, ekspert i marrëdhënieve dhe themeluesi i Pulsi i Kupidit.

Vlerësoni mundësitë tuaja.

Mund të jetë e vështirë të marrësh një vendim përfundimtar, por të fillosh të hedhësh themelin drejt të cilit po shkon kjo marrëdhënie nuk është asnjëherë e tepërt. “Nëse ju qëndroni së bashku ose vendosni të shkoni përpara, në këtë fazë ju duhet të përqendroheni në aftësitë tuaja të përballimit të situatës. Të falni apo të harroni, kjo është çështja!”.

Merrni 24 orë para se të merrni vendimin e madh.

Asnjë vendim i madh nuk duhet të bëhet menjëherë, prandaj jepini vetes të paktën 24 orë për të hedhur një hap të tillë, sugjeron Grant. “Menjëherë pasi keni zbuluar se partneri ju tradhton, mund të ndiheni sikur shkoni drejt një rruge që ka të bëjë me vendimi për të zbuluar pabesitë seksuale. Në vend që të jesh reaguese, ji e qëllimshme dhe e zhytur në mendime“.

Rivlerësoni marrëdhëniet.

Ju duhet të bëni një hap prapa dhe të vendosni nëse veprimi që çoi në tradhti nga partneri juaj është diçka që mund të falet apo jo. “Nëse është diçka për të cilën ju mund ta falni, atëherë duhet të bëni një bisedë rreth asaj se si të ecni përpara në mënyrën më të mirë të mundshme. Nëse jo, atëherë do të duhet të lëvizësh në mënyrën më të mirë të mundshme”,- thotë Bizzoco.

Shmangni mediat sociale.

Ju nuk dëshironi të reagoni në internet dhe të shkruani se sa e urreni partnerin tuaj, ndërsa më vonë edhe mund ta falni për veprimin e tij. Mos vendosni fotografi të falsifikuara, të lumtura për të bërë partnerin tuaj xheloz ose për të treguar se jeni mirë, kur në të vërtetë nuk jeni. Mbajeni profilin për veten tuaj dhe jepini vetes kohë për të përpunuar gjithçka dhe qëndroni jashtë kësaj linje.

Shmangni hakmarrjen.

“Ju jeni me të vërtetë e dëmtuar dhe e lënduar tani dhe me siguri doni që partneri juaj të lëndohet në të njëjtën mënyrë. Por, mos e përhapni dhimbjen”, thotë Ricciardi. Ju nuk doni të bëni ndonjë gjë që nuk do të mund ta ndryshoni më dhe në fund të ditës, nuk do të ndiheni mirë me veten nëse bini në të njëjtat pozita me ato të partnerit tradhtar.