Jeta familjare e Will Smith do të rikthehet sërish në qendër të vëmendjes pas ngjarjes që ndodhi në Oscars, pasi August Alsina – këngëtari që pati një lidhje jashtëmartesore me gruan e tij Jada Pinkett Smith – do të publikojë një këngë të re dhe një libër që tregon gjithçka në lidhje me jetën e tyre.

Gruaja e aktorit Hollywood-ian, Jada, ka pranuar më parë se kishte fjetur me muzikantin August Alsina, ndërsa ishte ende e martuar me Will Smith duke folur gjatë e gjërë në lidhje me këtë histori.

Sipas “The Sun” August po bëhet gati për të nënshkruar një marrëveshje libri dhe do të diskutojë gjithçka nga karriera e tij deri tek detajet për jetën e dashurisë me Jada.

“August po përgatitet të nënshkruajë një marrëveshje libri me para të mëdha, e cila do të detajojë lidhjet e tij romantike me Jada-n. Ai gjithmonë ka pohuar se Will i ka dhënë leje për të fjetur me Jada-n, diçka që ata e kanë mohuar publikisht”.

Burimi shton: “August do të zbulojë në detaje për kohën e tij me Jada-n dhe gjithashtu do të flasë se si ai e kaloi kohën duke jetuar në shtëpinë e Will-it kur ai ishte larg për xhirimet.”

Vitin e kaluar, Will konfirmoi se ai dhe Jada kanë një marrëdhënie të hapur, duke pranuar se ajo “kurrë nuk ka besuar në një martesë konvencionale”.