“Të shmangim thënien e gjërave që tani nuk shërbejnë shumë”. Pas fishkëllimës së trefishtë të Juventus-Inter, Massimiliano Allegri nuk ka dashur të flasë për arbitrin, por ka shumë episode të paqarta të mbrëmjes në Stadium që duhen riparë. Tifozët e Juventusit protestojnë kundër arbitrimit të Irratit dhe Mazzolenit (në Var), por për të bërë qartësi mbi cfarë ndodhi ka menduar ish-arbitri ndërkombëtar Graziano Cesari në studiot e Pressing në Italia 1.

E para është natyrisht penalltia e dhënë në favor të zikaltërve në minutën e 43 të pjesës së parë: “Irrati është shumë afër dhe sheh shumë mirë, por për të nuk ka faull. Pas thirrjes nga Var, gjyqtari kalon një sekondë e gjysmë në monitor dhe ende pa përfunduar rishikimi i parë, ai akordon penalltinë. Dhe më pas shkon të ndëshkojë Moratan me të verdhë, kështu që e konsideron ‘shkelje në këmbë’ të spanjollit, por është Alex Sandro ai që bën faull. Penalltia është dhe për mendimin tim mund të kishte fishkëllyer edhe nga fusha”.

Penalltia akordohet dhe Calhanoglu e gabon, por Irrati e detyroi turkun ta përsërisë: “Irrati fishkëlleu një goditje dënimi për Juventusin për një faull të Calhanoglu ndaj Danilos, por më pas thirret nga VAR, i cili sinjalizon se një lojtar i Juventusit ka hyrë në zonë para se turku të godasë. Ai që hyn i pari është de Ligt, i cili më pas godet topin dhe për këtë arsye është e drejtë të përsëritet penalltia, por nuk është e qartë pse Irrati, të cilit holandezi i kaloi para, nuk fishkëllen i pari dhe për më tepër fishkëllen goditje dënimi për Juventusin.”

Në fund, penalltia e mos akorduar për Juventusin që tërboi bardhezinjtë: “Irrati fishkëlleu një goditje dënimi në minutën e 55 për ndërhyrjen e Bastonit ndaj Zakarias, faulli është i qartë, është çështje brenda apo jashtë zonës. Irrati pret kontrollin me Mazzolenin që është në VAR dhe i thotë të vazhdojë, por këpuca e Zakarias është në linjë dhe këmba e Bastonit është brenda zonës, për mua është penallti. Vlerësimi në këtë rast është objektiv, linjat janë pjesë e një vlerësimi objektiv”.