Miriam Cani dhe Alban Skënderaj janë prindër të lumtur të dy fëmijëve shumë të ëmbël, Ameli dhe Duam. Çifti kanë 14 vite bashkë dhe çdo hap në jetën e tyre e kanë hedhur me siguri të plotë e në kohën e duhur. Familjes së tyre të bukur ju shtua në 2020-n anëtari më i ri, por a do të kemi së shpejti në tjetër fëmijë nga çifti? Në një intervistë për “Express Rozë”, Miriami dhe Albani janë shprehur shumë të lumtur me jetën që kanë. Ata u shprehën të bindur se familja e tyre nuk do të zgjerohet më tej, sepse dy fëmijë janë mjaftueshëm për çiftin.

“Për momentin jemi mirë me kaq. Ideja është që nuk është puna të bësh një fëmijë dhe ta lësh të rritesh. Fëmija do kohën tënde fizike, kohën tënde cilësore, energjinë tënde, dedikimin tënd, fëmija formohet më shumë prezenca nga prindit, të paktën kështu e shohim ne. 2 janë mjaftueshëm do thosha unë, fëmija i tretë janë bizneset, projektet e tjera që kemi krijuar”, tha Miriami, ndërsa Albani shtoi me shaka:

“Jam unë fëmija i tretë se dola jashtë loje fare”.

Sa i përket të voglit Duam, me të cilin ne nuk jemi njohur ende, Albani tha se ngjason shumë me Miriamin si në pamjen e jashtme, por edhe në karakter.

“Ka hijen time, por tiparet i ka si Mirami. Ballin, pigmentin e lëkurës, bishtat e syve. Kur e sheh në fillim të kujton pak mua, por kur i hyn në detaje ka shumë nga Miriami. Si karakter i ngjan më shumë Miriamit, ndërsa Ameli më ngjan më shumë mua si karakter”, u shpreh këngëtari.