Që kur Edinson Cavani zbarkoi në futbollin argjentinas verën e kaluar duke nënshkruar me Boca Juniors, jeta e aktorit Christian Sancho është bërë veçanërisht e vështirë. Shumë shpesh, në fakt, njerëzit e ngatërrojnë atë me sulmuesin uruguajan dhe e ndalojnë që t’i kërkojë foto, video ose një autograf.

Aktori dhe modeli 48-vjeçar është i njohur në të gjithë Amerikën e Jugut, por sipas të gjitha gjasave ai do të donte të njihej në rrugë falë meritave që rrjedhin nga puna e tij, dhe jo për ngjashmërinë e tij të pabesueshme me një futbollist të madh. Për këtë arsye ai vendosi të merrte një vendim mjaft ekstrem.

Sozia e uruguajanit Cavani nuk duron më: bluza është emblematike

Vitin e kaluar, në një intervistë për programin Pachu Stream, Sancho shpjegoi se ishte detyruar të bënte mijëra foto me njerëz që mendonin se ai ishte Cavani: “Ata më thonë ‘Gruaja ime është një tifoze e klubit tënd, unë të admiroj shumë. Mundohem t’u them që nuk jam futbollist, por ata vazhdojnë ‘Vetëm një foto’”. Përsëritja se ai nuk është Matadori uruguajan, duket se nuk ka asnjë efekt tek tifozët. Kështu, aktori shpiku një zgjidhje “ekstreme”.

Nga Kordoba, ku po merr pjesë në shfaqjen teatrale Bien Argentino në Villa Carlos Paz, Sancho tregoi trukun që do të përdorë për të shmangur keqkuptimet e reja. Në një postim mjaft ironik në Instagram, aktori është shfaqur i veshur me një bluzë me foton e një ndeshje futbolli dhe ku lexohet shprehja “Unë nuk jam Cavani”.

“Pas disa ditësh të sezonit vendosa që kjo të jetë uniforma ime për këtë verë në Villa Carlos Paz!”, ka shkruar Sancho duke shoqëruar fotot. “Ndonjëherë bluza juaj flet vetë, është bluza më e mirë e personalizuar ndonjëherë”.

 

View this post on Instagram

 

A post shared by ᴄʜʀɪsᴛɪᴀɴ sᴀɴᴄʜᴏ (@chrissanchook)

Lapsi.al