Stine dhe Grazia kanë qenë shpesh të komentuar në mediat rozë, kjo edhe për shkak se janë përfolur më shumë se një herë për ndarje mes tyre.

Por a janë sot bashkë? Graciela, që njihet nga të gjithë si Grazia, ka qenë e ftuar në “ABC e Mëngjesit”, me moderatorin Alban Musën, ku krahas të tjerave ka sqaruar edhe raportin me kënëgëtarin.

Grazia tha se ishin bashkë, ndonëse si të gjithë çiftet, edhe ata kanë patur problemet e tyre.

“Sot që po flasim jemi mirë, por që dihet që edhe po mos të jemi bashkë me njëri-tjetrin është puna që na lidh dhe goca”, tha ajo, referuar Estias, vajzës së tyre.

Grazia ka treguar historinë e njohjes së tyre, 13 vite më parë.

“Ne kemi 13 vite që njihemi dhe unë jam një njeri që nuk heq dorë kollaj. Aq më tepër kur kam luftuar për dashurinë. Ne jemi njohur në Top Fest 6, ka qenë dalja ime e parë në skenë. Isha 17 vjeçe në Liceu Artistik, Nesti më pa të vogël dhe më tha dikush po të thërret një djalë. Unë isha e vogël me mamin dhe babin, dhe filloj me komplimentat. Shkëmbyem numrat, ai më mori në telefon, po unë nuk e kisha dëgjuar deri sa një ditë në tetor u takuam në rrugë”, tregoi ajo, e më pas zbuloi edhe se çfarë i pëlqente dhe çfarë jo tek partneri.

Grazia ka zbuluar se te Stine nuk i pëlqen se ai është nevrik, ndërsa e do shumë shpirtin e tij të bukur.

“Nuk më pëlqen kur është nevrik dhe sidomos kur e prek te gjumi, nuk i vë faj se ka gjithë atë lodhje mendore. Më pëlqen shpirti sedra, prandaj nuk e lë dot”, tha ajo.

Grazia tregoi se edhe këngën e saj më të re, “S’jena mo”, ia ka dedikuar Stines dhe në momentin që e ka shkruar kanë pasur disa debate mes tyre. Grazia tha se kur Stine e dëgjoi e kuptoi se ishte për atë dhe e pëlqeu shumë.

“Këtë këngë e kam bërë për Nestin. Në atë kohë unë nuk kam shkuar mirë me Nestin, kemi pas ato “gërr-vërr-et” si çdo çift dhe shkoj menjëherë në studio. Kur shkova dhe ja tregova, ai e pëlqeu shumë dhe e kuptoi që lidhej me ne”, u shpreh ajo.

/News31