Më 22 mars, Eliona Pitarka u bë nënë për herë të parë. Aktorja e humorit solli në jetë një vajzë, të cilën e pagëzoi me emrin Gala.

Lajmin emocionues ajo e ndau me të gjithë nëpërmjet një postimi në Instastory, ku tregoi edhe se me përkëdheli të voglën e saj e thërret “Pupushe”.

Teksa kanë kaluar shumë pak ditë nga lindja, Eliona ka treguar me një video se si duket trupi i saj tani pas gjithë këtij ndryshimi.

E veshur me xhinse të ngushta, një këmishë dhe një xhaketë xhins, Eliona duket super në formë.

Ajo zbuloi gjithashtu se Gala ka ardhur në jetë nga lindja natyrale dhe jo me operacion.

“Goca, ja një arsye përse duhet të lindni vetë. Ka kaluar thjesht një javë”, shkroi artistja krahas videos.

Eliona e ka treguar gjithmonë se është një vajzë që i pëlqen palestra dhe në këtë mënyrë të kujdeset për trupin e saj.

Para shtatzënisë, ajo ushtrohej rregullisht dhe ky është një tjetër faktor që e ka ndihmuar të vijë në formë shumë shpejt pasi u bë nënë për herë të parë.

Ndërkohë, Pitarka nuk e ka zbuluar identitetin e bashkëshortit të saj, ndonëse fotot me të në rrjetet sociale të aktores nuk mungojnë.

Ajo ka treguar se i pëlqen “ta mbajë për vete” dhe të mos e ekspozojë jetën private, për shkak edhe se partneri i saj nuk është një figurë publike.

Panorama.al