Njihet si një nga banoret më të komentuara të “Big Brother” ndër vite dhe fjala është për Juna Vatën. Edhe pse mori pjesë në këtë lojë, ëndrra e saj e hershme ishte të bëhej këngëtare. E diplomuar në Universiteitn e Kamzës për Financë, pas daljes nga “Big Brother” biondja Juna nisi punën në karaoket e ish-Bllokut në Tiranë. Dhe duket se tashmë këngën e ka kthyer jo vetëm në profesion, por ajo tani ndan skenën me emra të njohur. Një prej tyre është bashkëshorti i Nora Istrefit, Robert Berisha, i cili ka ndarë me ndjekësit posterin e koncertit që do të mbajë në një nga club-et e Tiranës, më datë 27 janar. Roberti dhe banda e tij do të ndajnë natën e koncertit me Juna Vatën dhe Silver Metkën. Sa i takon pmajes Juna duket shumë në formë, dhe këtë fillim vit ka realizuar një set fotosh artistike si këngëtare. Pasi doli nga loja që i dha famën e dëshiruar, Juna u shpreh se programi i “Big Brother” i ka shërbyer për të rritur popullaritetin e saj në karaoket ku performonte, pasi ajo e ka dobësi këngën. Duket se pas kaq shumë vitesh ajo vazhdon të mbajë gjallë pasionin e saj netëve jo vetëm në karaoke, por dhe koncerte të vërteta.