Allison Guerriero, ish-e dashura e Charles McGonigal, personi që denoncoi aferat e ish-zyrtarit të lartë të FBI-së, është një person tashmë i shumëkërkuar në media, ndaj ajo bën një sqarim në twitter, ku thotë se nuk do t’i përgjigjet asnjë kërkese pa pagesë. Guerriero u shfaq në një intervistë për Euronews Albania, për të cilën tha se është paguar.

“Nëse media e shikon këtë intervistë mos e merrni mundimin të më kontaktoni nëse nuk do të më paguani për një intervistë, sepse më duhet të kaloj kohën time duke punuar që të mund të paguaj faturat e mia!

U deshën vite për të shlyer operacionet dhe faturat pas mastektomisë dhe tani jam në rehabilitimin e djegieve të shkallës së tretë që është shumë stresuese dhe e kushtueshme, plus që kam shumë qira për të paguar. Më duhet të fitoj sado që të mundem.

Për të qenë e qartë, unë pranova vetëm këtë intervistë sepse media shqiptare paguan (media amerikane nuk paguan). Do të bëj intervista nëse paguhem sepse jam i dëshpëruar për para tani”, shkruan në twitter Guerriero.

/L.F-dritare.net