Irina Shayk nuk ka komentuar asnjëherë për jetën e saj private para ndarjes nga Bradley Cooper, dhe sigurisht që nuk do ta bëjë as tani! Megjithatë modelja me origjinë ruse ka folur për jetën e saj si nënë, privatësinë dhe martesën në një intervistë për “Harper’s Bazaar”. Ajo habitet me fiksimin e njerëzve për jetën e saj private, por sërish i justifikon ata kur shprehet: “Mendoj që është thjesht të qenit njerëzor: nëse nuk e ke, do ta kesh. Ka një perde dhe ti do ta hapësh. Besoj se është kurioziteti që i shtyn”. Sa i përket martesës, modelja ende beson në të edhe pse u nda nga Bradley ende pa lidhur kurorë me të: “A besoj te martesa? Po, sigurisht. Nuk jam ai lloj personi që është kundër saj”. Irina Shayk tregoi se qëndron e mendimit se asnjë femër nuk duhet të humbasë identitetin e saj vetëm sepse bëhet nënë: “Më thuaj një arsye, vetëm një që meqenëse je nënë, tani duhet të veshësh funde më të gjatë. Jo, unë nuk besoj në këtë gjë”, shkruan Vip. Ah edhe një gjë e fundit! Nëse dikush planifikon t’i dërgojë diçka modeles, më mirë një rrënjë domatesh sesa një buqetë me lule.