Babai i Zogut të Tiranës (Hermes Nikaj), Marigleni ka folur për herë të parë në lidhje me arrestimin e djalit të tij për prostitucion.

Nikaj hodhi poshtë çdo akuzë duke thënë se Hermes nuk ka lidhje me këtë ngjarjes dhe nuk është tutor pasi në bankë i janë gjetur vetëm 200 mijë lekë të vjetra.

Mariglen Nikaj: “Asgjë nuk është e vërtetë dhe e saktë. Jo është marrë me prostitucion, jo është tutor. Tutori ka lekë të madh por Hermesit ju gjet vetëm 200 mijë lekë të vjetra në banka të shkretit.”

Ndërsa rrëfeu edhe versionin e ngjarjes duke u bazuar në fjalët e djalit të tij.

Ai tha se Hermes nuk është gjetur i zhveshur në dhomë nga policia po ka qenë duke pirë pije energjike në tavolinë së bashku me djalin dhe vajzën që u kapën në hotel.

Mariglen Nikaj: “Është kapur në hotel tek autostrada me një djalë dhe me një vajzë. E takoj çdo fundjavë në burg dhe më thotë jo vetëm që nuk kemi qenë lakuriq siç sajojnë gazetarët por kemi qenë në tavolinë të 3 me nga një pije energjike. Është gënjeshtra më e madhe. Nuk mund ti marrë me zor djalin dhe vajzën ti çoj me zor në dhomë.

E kam takuar djalin dhe më ka thënë as nuk kam marrë, as nuk kam dhënë. Policia e ka indicien nga e infiltruara, një femër e cila duke qenë në mizerabilitet ka shkuar dhe informoi policinë se jemi këtu.”

Ai theksoi se nuk konsiderohet prostitucioni fakti që dikush e mori në telefon Hermesin dhe i kërkoi ti sillte një vajzë për të kryer marrëdhënie seksuale.

Ndërsa shton se vajza shkoi me dëshirë në hotel, nuk e kanë dërguar e zor.

Mariglen Nikaj: “Në rastin konkret Hermes është pasoja, se dikush e mori në telefon dhe i tha do më sjellësh një vajzë. Nuk e mori dhe e futi në thes dhe ia dërgoi këtij personi por shkuan me taksi. Çfarë do të thotë kjo, ku është prostitucioni. Ka dashur vetë.”

Nikaj i konsideroi përgjimet gënjeshtra të mëdha.

“Përgjimet nuk janë fakte, janë indicje për të kaluar tek faktet. Asnjë lloj fakti. Janë gënjeshtra të mëdha. Këto janë hamendësime,”- u shpreh ai.

Teksa rrëfeu edhe ku ishte Zogu para arrestimit.

“Para arrestimit erdhi në shtëpi ndejti 2-3 orë dhe më pas iku. Zogu është pasojë e atij që e mori në telefon që i tha më sill një vajzë. Hermes rrinte me shumë vajza. Bënte një jetë normale. Kam një shtëpi modeste fare. Jemi njerëz të thjeshtë, as pasanikë por as të varfër fare.”